ၵႂၢမ်းၵပ်းထုၵ်ႇတႆး

*   ၵႃႉယွၵ်းယွၵ်း ၵႃႉယွင်ႇယွင်ႇ၊ ငိုၼ်းႁွႆႉၼိုင်ႈတဵမ်တွင်ႇ လွႆးလွႆး။
*   ၵႆႉပၢႆႈၵႆႉၽၢၼ်၊ ၶူဝ်းႁိူၼ်းသႂ်ႇၵူၺ်သၢၼ်ဢမ်ႇတဵမ်လႆႈ။
*   ၵႂၢမ်းၸႃႉၵႂႃႇသိပ်းဝၼ်း၊ ၵႂၢမ်းလီပႆႇတၼ်းၽၢၵ်ႈ။
*   ၶူၼ်ႉတိူၵ်ႇၼႃးယိူဝ်ႈၼဝ်ႈ၊ ၶူၼ်ႉၵႂၢမ်းၵဝ်ႇၽိတ်းၵၼ်။
*   ၶွင်လီဢမ်ႇပေႃး၊ ၶွင်ပေႃးဢမ်ႇလီ။
*   ၶႃႁၢၵ်းမီးၵူႈဝၢၼ်ႈ၊ ၶႃႁၢၼ်ႈမီးၵူႈမိူင်း။

*   ငိုၼ်းၶမ်းမီးၵူႈပၢႆမႆႉ၊ ၽႂ်ၵႆႉၵေႃႈမၼ်းမီး
*   ငဝ်ႈဢမ်ႇၵၢႆႇ ပၢႆဢိင်။
*   ငႃးမဵတ်ႉၼိုင်ႈဢမ်ႇပဵၼ်မၼ်း၊ ၽၼ်းမဵတ်ႉၼိုင်ႈဢမ်ႇပဵၼ်သူၼ်။

*   ၸဝ်ႈပႅၵ်ႇတၢမ်တႃ၊ ၸဝ်ႈပႃၵိၼ်ၶီႈ။
*   ၸဝ်ႈၵုပ်းတိုဝ်းတွင်၊ ၸဝ်ႈၵွင်ႁႆႇမူၵ်ႇ။
*   ၸၢင်ႉသီႇတိၼ်ယင်းၸၢင်ႈပလၢတ်ႈ။

*   သိူဝ်တၢႆသိူဝ်တႅၼ်း၊ လႅၼ်းတၢႆလႅၼ်းပုတ်ႈ။
*   သွင်ယမ်ၵၼ်၊ ဝႆႉတၢင်းလူင်ႁၢမ်းပဝ်ႇ။
*   သွင်ဢမ်ႇယမ်၊ ဝႆႉႁူဝ်ၶဝ်ႇလေႃႇၵၼ်။

*   တူဝ်တၢႆလၢႆးဢမ်ႇၼဝ်ႈ။
*   တႅပ်းတွင်ယႃႇႁႂ်ႈထိုင်မႃႇ၊ လႃႇပိူၼ်ႈယႃႇႁႂ်ႈထိုင်ၸိူဝ်ႉ ထိုင်ၶိူဝ်း။
*   တၢင်းၵိၼ်ၼမ်ၸၢင်ႈတွင်ႉၶူၼ်ႉ၊ တၢင်းဝူၼ်ႉၼမ်ၸၢင်ႈၶႄးယွင်ႇ။

*   ထုၵ်ႇၸႂ်မီ၊ ဢမ်ႇလီၸႂ်ၽိုင်ႈ။
*   ထုင်းဢမ်ႇလီႁႂ်ႈယႃႉ၊ ၾိင်ႈဢမ်ႇၵျႃႉႁႂ်ႈထွၼ်။
*   ထဝ်ႈယဝ်ႉၸင်ႇသွၼ်ထမ်း၊ သွၼ်ဢဝ်ႁိူဝ်ႇပေႃးယမ်းဢမ်ႇလႆႈ။

*   ၼွင်ႉပေႉပီႈႁိူၼ်းၼၼ်း၊ သဵင်ပၼ်းၵၼ်တႅၵ်ႇႁူၼ်ႈ။
*   ၼမ်ႉသၢမ်သူပ်းဢိုတ်းလႆႈ၊ ၵူၼ်းသၢမ်သူပ်းဢိုတ်းဢမ်ႇလႆႈ။
*   ၼမ်ႉဝၢၼ်ၵမ်ႉၵူၼ်းတၵ်း၊ ၽၵ်းဝၢၼ်ၵမ်ႉၵူၼ်းၵႅင်။

*   ပိုင်ႈႁူမ်ႈယႃႇႁၵ်းၽိူဝ်၊ သိူဝ်ဢမ်ႇၶူပ်းငူးတွတ်ႇ။
*   ပေႃးၶႂ်ႈႁူႉလိၼ်လီဢမ်ႇလီႁႂ်ႈတူၺ်းယိူဝ်ႈ။
*   ပေႃးၶႂ်ႈႁူႉၼမ်ႉၵူၼ်းငိူဝ်ႈ ႁႂ်ႈတူၺ်းမိူဝ်ႈမၼ်းလၢတ်ႈၵႂၢမ်း။

*   ၽႃႉၽၢႆၼႂ်းသွင်း၊ မွင်းလင်ၼႂ်းၵူၺ်။
*  ၽိူဝ်ႇတၢႆတႃႉယၢပ်ႇ၊ ၽိူဝ်ႇႁၢပ်ႇတႃႉၵွၼ်း။
*   ၽိူဝ်ႇၼွၼ်းတႃႉၼင်ႈ၊ ၽိူဝ်ႇၼင်ႈတႃႉဢႅဝ်ႇ။

*   မၢၵ်ႇႁဵဝ်ႇၵႅၼ်ႈၼဵဝ်၊ မၢၵ်ႇၶဵဝ်ႁူင်ႈငၢႆႈ။
*   မႆႉၸမ်တၢင်းသၢၵ်ႈၽႃႉ၊ ၵူၼ်းႁၢင်ႈၸႃႉသၢၵ်ႈၵႂၢမ်း။
*   မႆႉလႅမ်ပိူၼ်ႈၸင်ႇပၵ်း၊ ၵူၼ်းလၵ်းပိူၼ်ႈၸင်ႇၸႂ်ႉ။

*   ယိူင်ႈပိူၼ်ႈၸၢင်ႈတၢႆ၊ ဢၢႆပိူၼ်ႈၸၢင်ႈလူမ်ႉ။
*   ယေႈမီးယေႈၵႆႉ၊ ယေႈၽၢၼ်ယေႈၶၢၼ်ႉ။
*   ယေႈတိူၵ်ႈယေႈမိူၵ်ႈ။

*   လီပိူဝ်ႈၶဝ်ႈ၊ ယဝ်ႉပိူဝ်ႈငိုၼ်း။
*   လီပိူဝ်ႈထၢမ်၊ ငၢမ်းပိူဝ်ႈတႅမ်ႈ။
*   လႆႈၵိၼ်ယႃႇယၢမ်ႈ၊ ႁၢမ်းၵိၼ်ယႃႇလၢပ်ႇ။

*   ဝူဝ်းၽၢတ်ႇၽုင်ပဵၼ်ၼိူဝ်ႉ၊ ၵူၼ်းၽၢတ်ႇၸိူဝ်ႉပဵၼ်ပိူၼ်ႈ။
*   ဝဵၵ်ႉလိၼ်မိူင်းၸၢင်ႈလႆႈ၊ ဝႆႉလိၼ်မိူင်းၸၢင်ႈႁၢမ်း။
*   ဝူတ်ႈၽႂ်ၵေႃႈမၼ်းၶၢမ်ႇ၊ တၢမ်ႇၽႂ်ၵေႃႈမၼ်းပႃး။

*   ႁၵ်ႉၵၼ်ယႃႇႁူမ်ႈႁုၵ်ႇ၊ ထုၵ်ႇၵၼ်ယႃႇႁူမ်ႈသူၼ်။
*   ႁဵတ်းသင်ႁဵတ်းတေႉတေႉ၊ ၵိၼ်ဢမ်ႇပေႉပေႃးၶၢႆ။

*   ဢမ်ႇလႆႈႁူႉယႃႇပေလၢမ်း၊ ဢမ်ႇလႆႈၸၢမ်းယႃႇပေဢုပ်ႇ။
*   ဢဝ်ၵၼ်ဝႃႈပႃးၵၼ်ပဵၼ်၊ ၶဝ်ႈယဵၼ်ပဵၼ်ၶဝ်ႈဢုၼ်ႇ။
*   ဢၢႆႈလၵ်းၵေႃႈယီႈလႅမ်၊ ဢီႇၸၢင်ႈထၢမ်ၵေႃႈဢၢမ်ၸၢင်ႈတွပ်ႇ။
*   ဢဝ်သရေႇတွင်ႉၵူင်၊ ၵိၼ်လူင်ၽႅဝ်တွင်ႉၵႂ်ႈ။
*   ဢၢႆႈဝႃႈၸီႇ၊ ဢီႇဝႃႈႁုင်၊ သၢမ်ပုင်လူင်ဝႃႈတူမ်ႈ၊ သႆႇၼႃႈသူမ်ႈ

ဝႃႈၸေႃး၊ ငူဝ်ႉၸႂ်ငေႃးဝႃႈၵႅင်။

တီႈၵၢႆႇၵွင်ႉ
01 


လွၼ်ႉမွၼ်းၵႂၢမ်း